ဒီစာအုပ်ဟာ ကျွန်မရဲ့ ပဥ္စမမြောက်စာအုပ်ဖြစ်ပါတယ်။ ဒါပေမယ့် ကျွန်မရဲ့ ပထမဆုံးသော နိုင်ငံရေးအကြောင်း ရေးသားတဲ့ စာအုပ်လည်း ဖြစ်ပါတယ်။

ဒီစာအုပ်ကို ရေးရတာဟာ ကျွန်မအတွက် စိတ်ပိုင်းဆိုင်ရာ အင်မတန်ခက်ခဲခဲ့ရတဲ့ အချိန်တွေပါပဲ။ ပြန်မတွေးချင်တော့ဘူး၊ ပြန်မရေးချင်တော့ဘူးဆိုပြီး ရပ်တန့်နေမိတာ အခါခါပါပဲ။ ဒီစာအုပ်ကို ဒီအဖြစ်အပျက်တွေ ဖြစ်ပျက်နေတဲ့ အချိန်ကာလတွေထဲမှာတင် တစ်ပိုင်းတစ်စ ရေးသားထားခဲ့ပြီး အဆုံးသတ်၊ အချောသတ်ဖို့ကို ဒီအဖြစ်အပျက်တွေနဲ့ မဝေးသေးတဲ့အချိန်ကာလမှာ ရေးသားခဲ့ရပါတယ်။

ကျွန်မအပါအဝင် မြန်မာပြည်သူတွေ ရင်ဆိုင်ကြုံတွေ့ခဲ့ရတဲ့ဖြစ်ရပ်ဆိုးတွေဟာ ဒီကာလအတိုလေးအတွင်းမှာ ဘယ်လိုမှ ပျောက်ကင်းသက်သာသွားစရာ မရှိဘဲ သွေးစက်စက်ကျ နာကျင်နေရဆဲကာလမှာပဲ ကျွန်မဟာ ဒီစာတွေကို ရေးဖြစ်ခဲ့ပါတယ်။ 

ပန်ဆယ်လို